«MEQA HƏYAT SIĞORTA» AÇIQ SƏHMDAR CƏMİYYƏTİNİN

KEYFİYYƏT ÜZRƏ SİYASƏTİ

“Meqa Həyat Sığorta” ASC Azərbaycan Respublikasının qüvvədə olan qanun və normativ tələblərinə əməl etməklə, şirkətin fəaliyyətində maraqlı olan bütün tərəflərin tələb və gözləntilərini nəzərə almaqla müxtəlif çeşidli həyat sığorta məhsulları və xidmətləri təklif edir.

Fəaliyyətində keyfiyyət və səmərəliliyi daim təkmilləşdirərək Şirkət aşağıdakı öhdəlikləri qəbul edir:

-      Qanuni və normativ tələblərə uyğunluq: Həyat sığorta şirkəti olaraq fəaliyyəti ilə bağlı qanuni və tənzimləyici tələbləri qəbul edir və icrasını təmin edir.

-      Maliyyə məsuliyyəti: Fəaliyyətinin şəffaflığını və yüksək maliyyə sabitliyini bütün maraqlı tərəflərə nümayiş etdirmək  məqsədilə,  hər il  maliyyə fəaliyyətinin və hesabatlılığının Beynəlxalq Maliyyə Standartlarına uyğunluğu üzrə dünyanın aparıcı auditor şirkətləri tərəfindən audit olunur.   

-      Təşkilati tələblərə uyğunluq: ISO9001:2015 və ISO10002:2018 beynəlxalq standartların tələblərini nəzərə almaqla, effektiv idarəetməni və keyfiyyət standartlarını təmin etməyə yönəlmiş təşkilati normalara riayət edir.

-      Maraqlı tərəflərin ehtiyaclarının nəzərə alınması: Cəmiyyət, səhmdarlar, istehlakçılar, əməkdaşlar, nəzarət orqanları, tərəfdaşlar da daxil olmaqla, maraqlı tərəflərin tələb və gözləntilərini təhlil edir və nəzərə alır.

-      Risklərin Qiymətləndirilməsi: Risklərin effektiv idarə edilməsi məqsədilə, sistematik olaraq potensial təhlükələri müəyyən etmək, onların nisbi əhəmiyyətini qiymətləndirmək, risklərin minimuma endirilməsini təmin etmək üçün müvafiq tədbirlər həyata keçirmək.

-      İqlim dəyişikliyi: İqlim dəyişikliyi ilə bağlı mülahizələri Cəmiyyətin biznes strategiyasına və qərar qəbuletmə proseslərinə inteqrasiya etməklə, gələcək nəsillər üçün daha sağlam planetə töhfə verməyi hədəfləmək.

-      Komanda hazırlığı və inkişafı: Yüksək standart və bacarıq səviyyəsini təmin etmək, korporativ mühitdə keyfiyyət mədəniyyətini təşviq etmək üçün komandanın təlim və inkişafına sərmayə qoyur.

-      Xidmət effektivliyi: Göstərilən xidmətlərin səmərəliliyini və keyfiyyətini təmin etmək üçün şirkət əməliyyat və biznes proseslərini təkmilləşdirir. Şirkətin fəaliyyəti zamanı yarana bilən hər hansı bir şikayət ISO10002:2018 beynəlxalq standartın tələblərinə uyğun olaraq, şikayətlərin idarə olunması prosesi üzrə tənzimlənir və şirkətə ünvanlanmış şikayətlərə səmərəli baxılmasını təmin etmək məqsədilə, prosesdə iştirak edən bütün tərəflərə hüquq və vəzifələri aydın və şəffaf şəkildə elan edilir.

-      Məmnuniyyətin ölçülməsi və artırılması:  Prosesləri tənzimləmək və təkmilləşdirmək üçün əldə edilən məlumatlardan istifadə etməklə, müştərilərin və digər maraqlı tərəflərin məmnunluğunu müntəzəm olaraq ölçərək təkmilləşdirmə tədbirləri görür.

-      Davamlı inkişaf: Prosesləri təhlil etməklə, göstəriciləri ölçməklə, səmərəliliyi və keyfiyyəti yüksəltmək üçün yeniliklərə açıq, davamlı təkmilləşmə mədəniyyətini təşviq edir.